Skip to main content Skip to search
28 Aug 2018
2 min 41 sec
Ariana Maki
Video Overview
Creators: 
Sonam Chophel

ལྷུན་རྩེ་རྫོང་ཁག་ སྟོད་མཚོ་རྒེད་འོག་ལས་ ཚེ་རིང་དབྱངས་འཛོམས་ཀྱིས་ ཨ་ལོ་ཐུང་ཀུ་ཅིག་འཐེནམ་ཨིནམ་ད་ གླུ་གཞས་ཀྱི་དབྱེ་བ་དང་འཁྲིལ་བའི་སྐབས་ ཨ་ལོ་འདི་ སེམས་ཀྱི་སྐྱོ་སྣང་ཚུ་ ཕྱི་ཁར་བཏོན་ཏེ་འཐེན་ཨིན་རུང་ ཨ་ལོ་འདི་ལེའུ་བསྒྱུར་ཏེ་རྐྱབ་སྲོལ་མེདཔ་མ་ཚད་ གདངས་དང་འཁྲིལ་བ་ཅིན་ གདངས་སྦེ་འཐེན་ཡང་མི་བཏུབ་པས། ཏེ་ཨ་ལོའི་ཚིག་དང་འཁྲིལ་བའི་སྐབས་ ཕམ་སྤུན་ཆ་དང་ལྟོ་ཚང་ གོངམ་དཔོན་གཡོག་ལ་སོགས་པ་ཚུ་དང་ གཅིག་ཁར་འཛོམས་པའི་མཐའ་མར་ ལོག་སོ་སོར་ཁ་བྲལ་བའི་སྐབས་སེམས་འཁྲུལ་རུང་ ལོག་ཞལ་ཡང་ལས་ཡང་དུ་མཇལ་བའི་ སྨོན་ལམ་ཡོད་ཟེར་ སྨོན་ལམ་བཏབ་མས། འབྲུག་པའི་ལམ་སྲོལ་མཁས་མཆོག་ རྒས་ཤོས་ཚུ་དང་འཁྲིལ་བ་ཅིན་ འདི་བཟུམ་གྱི་སེམས་འཁྲུལ་བའི་གླུ་གཞས་ཚུ་ དང་ཕུ་འབད་བ་ཅིན་ ལུག་དང་ ནོར་འཚོ་མི་ཚུ་ ཆ་རོགས་ག་ཡང་མེད་པར་སྡོདཔ་ད་ སེམས་འཁྲུལ་ཏེ་འཐེནམ་ཨིན་ཟེར་མས། 

 

Tshering Yangzom from Taedtsho geog under Lhuntse Dzongkhag sings a short Alo song. Alo is catagorically a song expressing sadness which can only be sung but is never danced nor can be danced to its tune. Going by the lyrics of the song, it expresses sadness on having to depart after having been together and also expresses aspiration to meet later. Elder cultural experts say such sad songs in olden days are sung by sheepherds and cattle herders when they are lonely away from home. 

 

Transcript search
No results found for this search
0 of 0
  • ཚེ་རིང་དབྱངས་འཛོམས་ Tshering Yangzom
    ཁྱོད་ནི་ཁྲི་གདུགས་ཉི་མ། །ཨའེ་གླིང་བཞི་བསྐོར་བ་ཐལ་དོ། །
  • ཚེ་རིང་དབྱངས་འཛོམས་ Tshering Yangzom
    གླིང་བཞི་བསྐོར་བ་ཐལ་རུང་། །ཨའེ་ཅི་བསམ་དོན་ཡང་གྲུབ་ཤིག(འགྲུབ་ཅིག) །
  • ཚེ་རིང་དབྱངས་འཛོམས་ Tshering Yangzom
    ག་ནི་ཡུམ་ཆེན་ཨ་མ། །ཨའེ་བཞུགས་པའི་དུས་ལ་འབབ་སྟེ། །
  • ཚེ་རིང་དབྱངས་འཛོམས་ Tshering Yangzom
    ཨའེ་བཞུགས་པའི་དུས་ལ་འབབ་རུང་། །ཨའེ་ལ་བཀྲིས་གཡང་ལས་ཆགས་ཤིག །
  • ཚེ་རིང་དབྱངས་འཛོམས་ Tshering Yangzom
    ཨའུ་་་་ལོ་་་་་ ཧེ་ཧེ་་་་་་།། །།