Skip to main content Skip to search
28 Aug 2018
7 min 23 sec
Ariana Maki
Video Overview
Creators: 
Sonam Tobgye, Ugyen

༉  རྩང་མོ་ཟེར་མི་འདི་ རང་རང་སོ་སོའི་ཚོར་བ་དང་བསྟུན་པའི་ཚིག་དང་ གདངས་དབྱངས་མ་འདྲཝ་ལེ་ཤ་ཅིག་གི་ཐོག་ལས་ རང་རྐྱང་གི་སེམས་ཀྱི་ཚོར་བ་ཚུ་ གཞན་མི་ལུ་བརྡ་དོན་སྤྲོད་མི་ཅིག་ལུ་གོ་ནི་དང་ དེ་ཡང་ དགའ་བ་ སྐྱོ་བ་ བསྟོད་པ་ སྨད་པ་ལ་སོགས་པའི་ཚོར་བ་ཚུ་ གཞན་ལུ་བརྡ་དོན་ཚུ་སྤྲོདཔ་ཨིན། རྩང་མོ་འདི་ གདངས་དབྱངས་ཧན་ཏོང་ཏོ་གི་སྒོ་ལས་ཚིག་ཚུ་འཐེན་ནི་མ་གཏོགས་ རྐངམ་གིས་བྲོ་ལ་སོགས་པ་འཁྲབ་ནི་མེདཔ་ཨིན། ད་ལྟོའི་རྩང་མོ་འདི་ ག་ར་སླ་བསྲེ་སྦེ་འཐེན་ཡོདཔ་ད་ མ་གཞི་ངོ་མ་འགྲན་བསྡུར་འབད་ཨིན་པ་ཅིན་ ཕར་ལོགསམ་དང་བསྟུན་ཏེ་ ཕར་ལས་དགྲ་བཏང་པ་ཅིན་ལན་ཡང་དགྲ་འབད་དང་ གཉེན་བཏང་པ་ཅིན་ ལན་ཡང་གཉེན་འབད་འཐེན་ཏེ་ མཇུག་ལུ་འཆམ་ཁ་བཟོ་སྟེ་འཐེནམ་ཨིན། ད་ལྟོའི་ གློག་བརྙན་འདི་ནང་ མ་འདྲཝ་ག་ཅི་འདུག་ཟེར་བ་ཅིན་ གཡུས་ཁའི་ཨམ་སྲུ་ཚུ་གིས་ ལཱ་འབད་ཡི་ར་རྩང་མོ་འདི་འཐེན་ནི་འདུག འདི་གི་དོན་དག་གཙོ་བོ་ར་ ཁོ་ར་ལཱ་འབད་བའི་སྐབས་སུ་ འུ་སྡུགཔ་མ་ཚོར་བར་ དགའ་སྤྲོའི་སྣང་བ་ཤར་ནིའི་དོན་ལུ་ཨིན་མས།

Tsangmo is a type of song used to express one's emotions, conveying their affection to another. Tsangmo can be sung to express love, hatred or any other feeling. It is exclusively sung and never danced to. Usually a composition is limited to a verse of four lines for a single expression. The tsangmo in the video is a mixture of all the different tsangmo categories as women of Zhongmae village perform it for archival purposes. In reality, during a competition the performers will sing questions and answer in response to their opponent's verses. The tsangmo in the video runs in a systematic manner, opening with a laudatory tsangmo to impress each other. When the climax is reached, they switch to an antagonizing tsangmo to defame the opponent.  Finally the opponents compromise and sing a befriending tsangmo to reconcile. Unique in this video is that the women are working in a field while singing the tsangmo, as entertainment during their working hours.

 

Transcript search
No results found for this search
0 of 0
  • ཚེ་རིང་གཡུ་སྒྲོན་ Tshering Youden
    སེམས་ཅན་སྟག་གི་གུ་ལ། །རི་མོ་འབྲི་མཁན་སུ་རེད། ། བུ་མོ་ང་ཡི་རྒྱབ་ཏུ། །བཀོད་རྒྱ་ཞེས་མཁན་སུ་རེད། །
  • བསོད་ནམས་དཔལ་སྐྱིད་ Sonam Pekey
    ཤར་ཕྱོགས་རི་བོའི་རྩེ་ལ། །མ་བཞེངས་ལྷ་ཡི་མཆོད་རྟེན། ། ཉིན་ཟླ་མགུ་གིས་བསྐོར་ཚེ། །བཞེངས་པ་ལ་ཡང་ལྷ་་་་། །
  • ཚེ་རིང་གཡུ་སྒྲོན་ Tshering Youden
    ཚེས་ཆེན་བཅོ་ལྔའི་ཟླ་བ། །ཤར་ཏ་ང་ལ་ཤར་སོང་། ། ལས་ངན་སྤྲིན་པོ་གཅིག་ལ(གིས)། །བར་ཆད་ཨ་ལེ་བྱུང་སོང་། །
  • བསོད་ནམས་དཔལ་སྐྱིད་ Sonam Pekey
    སྤགས་པ་བརྒྱ་འཐོན་སྟོང་འཐོན། །འགལ་མཁན་ང་རང་གཅིག་པུ། ། ཕར་ཁ་རུ་ལུང་རུ་ལུང་། །ཚུར་ཁ་རུ་ལུང་རུ་ལུང་། །
  • ཚེ་རིང་གཡུ་སྒྲོན་ Tshering Youden
    ཕར་རི་ཤོག་རྩལ་བསྒུར་བསྒུར། །ཚུར་རི་ཤོག་རྩལ་བསྒུར་བསྒུར། ། བསྒུར་ན་མཉམ་དུ་བསྒུར་ཤིག །མ་བསྒུར་རང་རང་སོ་སོ། །
  • བསོད་ནམས་དཔལ་སྐྱིད་ Sonam Pekey
    སྤང་ལ་ཤ་ཡོད་ཟེར་ཏེ། །མདའ་མོ་བཀུག་སྟེ་འདུག་ཤིག ། ཆུ་ལ་ཉ་ཡོད་ཟེར་ཏེ། །མིག་ཁར་བསྒུག་སྟེ་འདུག་ཤིག །
  • ཚེ་རིང་གཡུ་སྒྲོན་ Tshering Youden
    གཡུ་འདི་སྔོན་མོ་དགོ་ན། །ང་རང་སྐེ་ལ་བཏགས་ཡོད། ། ཆུ་ཡི་རྡོ་གཡུ་སྔོན་མོ། །བཏགས་དགོ་བསམ་པ་མིན་འདུག །
  • བསོད་ནམས་དཔལ་སྐྱིད་ Sonam Pekey
    ཕར་ཕར་བྲག་གི་ལོགས་ལ། །བྲག་མའི་ཤེལ་གྱི་མཆོད་རྟེན། ། བསྐོར་ར་བསྐོར་པི་མ་གཏོགས། །དད་པ་ཆེ་ཏ་མ་ཆེ། །
  • ཚེ་རིང་གཡུ་སྒྲོན་ Tshering Youden
    རྒྱ་ལམ་ལྟག་པའི་མཆོད་རྟེན། །ནང་གཟུངས་ཅི་བཙུགས་མ་ཤེས། ། བསྐོར་བ་བསྐོར་ཏེ་མ་གཏོགས། །དད་པ་ཆེ་ས་མིན་འདུག །
  • བསོད་ནམས་དཔལ་སྐྱིད་ Sonam Pekey
    ཆུ་མོ་ཆུ་རིས་གཤིབ་གཤིབ། །ཟམ་པའི་འོག་གི་ཆུ་མོ། ། ཉ་མོ་ཉ་རིས་གཤིབ་གཤིབ། །གཤོག་ཐེ་ཆག་སྟེ་གཤིབ་གཤིབ། །
  • ཚེ་རིང་གཡུ་སྒྲོན་ Tshering Youden
    ཆུ་མོ་ཉ་ཡོད་ཟེར་ཏེ། །ལག་པ་དག་སྟེ་འདུག་་་་་་་་ [ཉེ་ཁར་བསྒུག་སྟེ་འདུག་ཤིག ། བྲག་གི་བྲང་ཡོད་ཟེར་འདི། །ལག་པ་དག་སྟེ་འདུག་ཤིག །?]
  • བསོད་ནམས་དཔལ་སྐྱིད་ Sonam Pekey
    ཆུ་ཅིག་དབོག་པར་སོང་ན། །ཨེ་མ་ལ་ཅིག་ཕྲཱ་དེས། ། ཤིང་ཅིག་འཐུ་བར་སོང་ན། །ཅོ་ཀ་ཤིང་ཅིག་ཕྲཱ་དེས། །
  • ཚེ་རིང་གཡུ་སྒྲོན་ Tshering Youden
    ཆུ་ལ་སྐྱོ་རོགས་ཉ་མོ། །བྲག་ལ་སྐྱོ་རོགས་འུག་པ། ། ལས་ངན་ཅན་གྱི་སྤྲང་མོ། །སྐྱོ་རོགས་བྱེད་མཁན་མིན་འདུག །
  • བསོད་ནམས་དཔལ་སྐྱིད་ Sonam Pekey
    ཤར་ཕྱོགས་རི་བོའི་རྩེ་ལ། །སྨུག་པའི་རིམ་པང་ཤིབ་ཤིབ། ། སྨུག་པའི་རིམ་པང་མ་རེད། །རང་སེམས་དགའ་བའི་རིམ་པང། །
  • ཚེ་རིང་གཡུ་སྒྲོན་ Tshering Youden
    ཤིང་གཅིག་པདྨའི་ལྗོན་ཤིང་། །སྤོག་པའི་རྩེ་ལ་ཆགས་ཡོད། ། བྱ་གཅིག་སྐལ་བཟང་སྒྲོལ་མ། །ཤིང་མོའི་རྩེ་ལ་ཆགས་ཡོད། །
  • བསོད་ནམས་དཔལ་སྐྱིད་ Sonam Pekey
    བྱ་རེད་སྐམ་པའི་སྤོག་པ། །ཀོང་བུ་མི་གི་ཁྱེར་དོ་་་་་་ སྡོང་རས་མི་གིས་འཁལ་དོ། ། སྡོང་རས་མི་གིས་འཁལ་རུང་། །ཀོང་བུ་ང་འབངས་ཟེར་ཤིག །
  • ཚེ་རིང་གཡུ་སྒྲོན་ Tshering Youden
    ང་ནི་གསེར་གྱི་བུམ་པ། །ཁྱོད་ནི་དངུལ་གྱི་བུམ་པ། ། ཁྲུས་ཆུ་མཉམ་པོར་བླུགས་པ། །གཡང་ཟ་སྟེ་རང་མ་ཚུགས། །
  • བསོད་ནམས་དཔལ་སྐྱིད་ Sonam Pekey
    ཁྱོད་རང་མཁས་པ་ཡོད་ན། །བོལ་མ(བྱེ་མ)ཐག་པ་འཁལ་ཤོག ། ང་རང་མཁས་པ་ཡོད་ན། །རྡོ་ལ་མ་ཎི་བཞེངས་པ། །
  • ཚེ་རིང་གཡུ་སྒྲོན་ Tshering Youden
    ལམ་ལ་རྒྱ་གྲམ་སྦུག་ལ། །གནག་ཐག་ནག་པོ་དཔྱངས་ཡོད། ། སྟག་ཤར་ཤི་བའི་བསྒང་ལ། །རོ་བསྡམས་གཏང་རྒྱུ་ཨིན་བ། །
  • བསོད་ནམས་དཔལ་སྐྱིད་ Sonam Pekey
    ཕར་རི་བརྒྱ་བྲམ་སྦུག་ལས། །ཙི་ཙི་རོ་བ་ཤི་ཡོད། ། སྨན་ཆུང་ཤི་རིགས་ཤི་ཚད། །ཚོད་མ་བཅོ་རྒྱུ་ཡིན་པ། །
  • ཚེ་རིང་གཡུ་སྒྲོན་ Tshering Youden
    ཨོ་འདི་མར་ཁར་བལྟ་ན། །ཨོམ་ཆུ་ལྟམ་ལྟེམ་གསུམ་ཡོད། ། ག་ཏྲ་འབག་སྟེ་སོང་ན། །ཡོན་ཆབ་བཏུབ་པའི་ཆུ་མེད། །
  • བསོད་ནམས་དཔལ་སྐྱིད་ Sonam Pekey
    ཨོ་འདི་ཡར་ཁར་བལྟ་ན། །ཤིང་མོ་ཤ་ར་ཤོ་རོ། ། སྟག་རེ་འབག་སྟེ་སོང་ན། །བཟོ་ཤིང་བཏུབ་པའི་ཤིང་མེད། །
  • ཚེ་རིང་གཡུ་སྒྲོན་ Tshering Youden
    ཨོ་ཏ་སིང་སིང་སྤྲེ་མ། །ཏར་བྱ་མེར་བྱ་འོང་དོ། ། ཐོབ་ན་དངུལ་ཤན་བཏགས་མཁན། །མ་ཐོབ་ཟངས་ཤན་བཏགས་མཁན། །
  • བསོད་ནམས་དཔལ་སྐྱིད་ Sonam Pekey
    ཁམ་བུའི་ཁམ་ཤིང་རིང་ནས། །ལག་པས་ལེན་ས་མིན་འདུག ། འབྲས་བུའི་ཐུགས་ལས་ཡོད་ན། །སྤང་ལ་བསྒྲིལ་ཏེ་ཤོག་ཤིག། །།