Skip to main content Skip to search
03 Jul 2018
12 min 49 sec
Rinchen Dorji
Video Overview
Creators: 
Dawa Tshering

Lam Sangye Dorji narrates the historical origin and religious significance of Thadra Gönpa. According to him, the temple is called “Thadra” since it is located at the mountain side which was founded by the first lama Sangnak Jamtsho upon his teacher’s prophecy. All the relics date to the first three lamas. While members of Lam's family have long cared for the temple, more recently, two caretakers were appointed from the central monk body. Moreover, among four sacred memorial chortens built there for the founding lamas, the Jangchub chorten is significant as it was constructed by Ningpo Donsum after the Thri (blessing) to the people of Chang by Lam Tsuklak Jamtsho. 

༉   ལྷ་ཁང་དཀོན་གཉེར་གྱི་རྒྱུད་པ་ བླམ་སངས་རྒྱས་རྡོ་རྗེ་གིས་ མཐའ་བྲག་དགོན་པའི་འབྱུང་ཁུངས་དང་གལ་ཆེ་བའི་སྐོར་ལས་བཤད་ནི་འདུག ཁོ་གིས་བཤད་མི་ནང་ མཐའ་བྲག་འདི་ གངས་ཆེན་གྱི་མཐའ་མར་ཡོདཔ་ད་ བླམ་གསང་སྔགས་རྒྱ་མཚོ་གིས་ ཁོ་རའི་སློབ་དཔོན་གྱི་ལུང་བསྟན་དང་འཁྲིལ་ཏེ་ གཞི་བཙུགས་འབད་གནང་གནངམ་ཨིན་པས། ད་ལྟོ་ཡོད་པའི་ ཆོས་ཀྱི་དངོས་པོ་དང་རྗེས་ཤུལ་ཚུ་ ཧེ་མའི་བླམ་གསུམ་གྱི་ཨིནམ་ད་ ཤུལ་ལས་བླམ་སོ་སོ་ཚུ་འདི་ བདག་འཛིན་འབད་མི་རྐྱངམ་ཅིག་ཨིན་མས། ལྷ་ཁང་དེ་ནང་ སངས་རྒྱས་དང་འཇམ་དབྱངས་ཀྱི་སྐུ་འདྲ་ཚུ་ཡོདཔ་ད་ ལྷ་ཁང་འདི་ ལྕང་རྒེད་འོག་གི་ཁོངས་སུ་ཚུདཔ་ཨིན་པས། རྟ་ལ་ཁ་དང་ཧོན་མཚོ་བཟུམ་སྦེ་ རྒྱུད་པ་ཚུ་གིས་བདག་འཛིན་འབད་དོ་ཡོདཔ་ད་ བླམ་ཚུ་ཡང་ གྲྭ་ཚང་ལྷན་ཚོགས་ཀྱིས་བསྐོ་བཞག་འབད་གནངམ་ཨིན་མས། ཧེ་མ་འབད་བ་ཅིན་ ཧོན་མཚོ་གི་དགེ་སློང་འདི་ བསྐྱར་གསོ་གི་ལཱ་འབད་བའི་སྐབས་ ལྷ་ཁང་འདི་ ཁོ་གི་བཟའ་ཚན་ཚུ་གིས་བདག་འཛིན་འཐབ་ཨིན་མས། ལྷ་ཁང་འདི་ སྒེར་གྱི་འབདཝ་ལས་ གཡུས་ཁ་གི་རྒན་ཤོས་ལ་ལུ་དགེ་སློང་དང་ ལ་ལུ་བདག་འཛིན་པ་སྦེ་ཆ་རོགས་འབདཝ་མ་གཏོགས་ ལེགས་ཤོམ་སྦེ་བདག་འཛིན་འབད་མི་ཚུགས་དོ་ཡོདཔ་མས། དེ་འབདཝ་ལས་ ལྷ་ཁང་འདི་རྙིང་ཤོས་ཅིག་ཨིན་ནི་དེ་གིས་ བདག་འཛིན་ལེགས་ཤོམ་སྦེ་འབད་དགོཔ་སྦེ་ གཞུང་ལས་བཀའ་ཤོག་ལྷོད་ནུག དེ་གི་ཤུལ་ལས་ རྗེ་མཁན་པོ་གིས་དབུ་ཁྲིད་མཛད་དེ་ གཞུང་གྲྭ་ཚང་གིས་བདག་འཛིན་པ་གཉིས་བསྐོས་ནུག ད་རེས་ནངས་པར་ ཆོས་ཕྱོགས་ཀྱི་ལས་རིམ་ཚུ་གེ་ར་ གཉེར་པ་དང་ཁོ་ར་གིས་བདག་འཛིན་འབདཝ་ཨིནམ་མ་ཚད་ རྗེས་སུ་དྲན་པའི་མཆོད་རྟེན་བཞི་གི་ནང་ལས་ བྱང་ཆུབ་མཆོད་རྟེན་འདི་རྩ་ཅན་ཅིག་ཨིན་མས། དེ་ཡང་ བླམ་གཙུག་ལག་རྒྱ་མཚོ་གིས་ ལྕང་གི་མི་སེར་ཚུ་ལུ་ བཀའ་ཁྲིད་གནང་བའི་ཤུལ་ལུ་ སྙིང་པོ་དོན་གསུམ་གྱིས་བཞེངས་གནང་གནངམ་ཨིན་མས། ལྕང་གི་མི་སེར་ཚུ་གིས་ ལྷ་ཁང་བཞེངས་པའི་སྐབས་ལཱ་འབད་མི་ལུ་དགའ་ཚོར་བསྐྱེད་ནི་གི་དོན་ལུ་ བཀའ་ཁྲིད་གནང་གནངམ་ཨིནམ་ད་ མཆོད་རྟེན་འདི་གཞན་དང་མ་འདྲཝ་ཅིག་ཡོད་མི་དེ་ཡང་ ནང་གཟུངས་གཙོ་བོ་ སྤྱན་རས་གཟིགས་ཀྱི་སྐུ་འདྲ་ ཐེར་འབུམ་གཅིག་ཡོདཔ་ཨིན་མས།

Transcript search
No results found for this search
0 of 0
  • བླམ་སངས་རྒྱས་རྡོ་རྗེ/Lama Sangay Dorji:
    ཡ་ད་ ད་རེས་ནཱ་ ཁྱེད་ཀྱིས་ ཁྱེད་གཉིས་ནཱ་བྱོན་ཏེ་ ང་བཅས་ནཱ་ མཐའ་བྲག་དགོན་པ་ཟེར་བའི་གནས་འདི་གི་གནས་བཤད་ཅིག་གསུངས་གནང་ཞུཝ་ད་ ང་གིས་འདི་གི་ལན་ཅིག་ཞུ་བ་ཅིན་ མ་པ་ནཱ་གི་བླམ་དང་པ་འདི་ གསང་སྔགས་རྒྱ་མཚོ་ཟེར་མི་འདི་ཨིན། ཏེ་གསང་སྔགས་རྒྱ་མཚོ་ཟེར་མི་དེ་གི་རྩ་བའི་བླམ་འདི་ ཡར་བོད་ལས་མར་བྱོན་མི་ གསང་སྔགས་མཁན་ཆེན་ ཚངས་དབྱངས་རྒྱ་མཚོ་ཟེར་མི་དེ་གི་སློབ་མ་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་ཁོ་ཕར་བླ་མ་དེ་ལས་ཆོས་ཞུ་ཞིནམ་ལས་ ཏེ་དགོངས་པ་མཐར་ཕྱིན་ཞིནམ་ལས་ ཏེ་བླ་མ་དེ་གིས་ ཁོ་ར་གི་གདན་ས་གི་ལུང་བསྟན་ཅིག་གནངམ་ད་ ཏེ་མཐའ་བྲག་ཟེརཝ་ད་ མཐའ་མ་ལུ་གོ་ནི་ཨིན། མཐའ་མ་ཟེརཝ་ད་ མར་གཡུས་ཀྱི་སྦུག་མེན་པར་ ཡར་[དུར་ཁྲོད་ཀྱི་མཐའ་མ་ཅིག་ལུ་གོ་ནི་དེ་གིས་?] ཏེ་མཐའ་ཡས་བྲག་ལུ་ བྲག་གི་མཇུག་ཕུརཔ་འདྲཝ་ཅིག་ཡོད་ འ་ནཱ་ལུ་ཁྱོད་གདན་ས་བཏབ་པ་ཅིན་ ཏེ་ཁྱོད་ཀྱི་ [མི་ཉམས་པ་འོང་?] ཟེར་ཏེ་གིས་ ལུང་བསྟན་གནང་གནངམ་འབད་ནི་དེ་གིས།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་ཕར་ད་རེས་གདན་ས་དང་པ་འདི་ཕར་ ཕི་ཧོང་གི་ལྷ་ཁང་ཆུང་ཀུ་འདི་ཨིན། ད་འ་ནཱི་གཟིགས་པའི་བསྒང་ ཁོ་གིས་ལུང་བསྟན་ག་ཅི་གཟིགས་གཟིགསཔ་སྨོ་ཟེར་བ་ཅིན་ ཕར་ལས་ཁོ་ར་གིས་བླ་མ་གིས་གསུངས་དོ་བཟུམ་སྦེ་མཇལཝ་ད་ ཨ་ནཱི་མི་འདི་ ཁྱོད་ར་ལོགས་སུ་སྦེ་མཇལ་ཏེ་འབད་ས་ཅིག་རུང་ བྲག་དེ་གི་མཇུག་འདི་ ཕུར་པའི་དབྱིབས་ཅོག་ར་འཐདཔ་སྦེ་ཡོད། ཏེ་འ་ནཱ་ལུ་ གཡུས་འདི་མཐའ་མ་ཟེར་ མར་སྦུག་ལུ་མེན་པར་ ཡར་ཡས་མཐའ་ཟེར་ ང་བཅས་ཆོས་ནང་ལས་འབད་བ་ཅིན་ ང་བཅས་ར་གི་དགོན་ཏེ་བཅགས་ས་དང་ ཐུན་བཏང་ས་གི་གནས་འདི་ ཡས་མཐའ་ཟེརཝ་ད་ ཡར་མཐའ་མ་ལུ་གོ་ནི།
  • བླམ་སངས་རྒྱས་རྡོ་རྗེ/Lama Sangay Dorji:
    ད་འ་ནཱི་ཡས་ཟེར་མི་འདི་ ཕར་བཏོག་བཞག་ཞིན་ན་ མཐའ་ཟེར་མི་དེ་དང་ བྲག་དེ་གཅིག་ཁར་བསྡབས་ཏེ་གིས་ མཐའ་བྲག་ནང་ཟེར་ དེ་སྦེ་བཏགས་བཏགསཔ་ཨིན། ཏེ་འ་ནཱི་འབད་ནི་དེ་གིས་ མཐའ་བྲག་ནང་ཟེར་མི་ད་རུང་ ཁོ་གིས་ཧེ་མ་གདན་ས་འདི་ཕར་བཅགས་ ཏེ་ཁོ་གི་ཤུལ་ཤུལ་ལས་བླམ་ངག་དབང་རྒྱ་མཚོ་ཟེར་མི་ཅིག་ཁོ་ར་གི་སློབ་མ་གཅིག་ཡོད། ཏེ་དེ་གིས་སྲུང་བའི་སྐབས་སུ་ཡང་ ཏེ་ཕར་ཨ་ཕི་ལྷ་ཁང་ཆུང་ཀུ་དེ་ནང་རང་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་འ་ནཱི་ངག་དབང་རྒྱ་མཚོ་གི་སློབ་མ་ [བཙུན་ལ་རྒྱ་མཚོ་?] ཟེར་མི་ཅིག་བྱོན་ཡི། ཏེ་འ་ནཱི་གི་སྐབས་ལས་ ཏེ་ཁོ་གིས་ཡར་ ཕ་ཇོ་ལྡིང་ལུ་ རྒྱལ་བ་ཤཱཀྱ་རིན་ཆེན་གྱི་སློབ་མ་སྦེ་ཡར་ལུ་ཡང་བསྟེན་ ཆོས་དང་དབང་ཚུ་ཡང་ཡར་ལས་ཞུ་སྦེ་ཞིནམ་ལས་ ཏེ་དེ་ལས་ཚུར་གྱི་ནེམ་ གཙུག་ལག་ཁང་སྦོམ་འདི་ ཏེ་ [བཙུན་ལ་རྒྱ་མཚོ་?] དེ་གིས་བཞེངས་བཞེངསམ་ཨིན། ཏེ་དེ་ཚུ་འདི་ དུས་ཚོད་དེ་ཚུ་ག་ར་ ང་གིས་མར་གཙུག་ལག་ཁང་ནང་ལུ་ཡི་གུ་བྲིས་བཞག་མི་འདི་ནང་ གསལ་ཏོག་ཏོ་སྦེ་ཡོད་ འདི་དང་འཁྲིལ་ར་འཁྲིལ་ཚུགསཔ་ ག་ཅི་སྨོ་ཟེར་བ་ཅིན་ ཏེ་ཕར་ཆོས་འབྱུང་ནང་ལས་བཏོན་སྦེ་ར་ བཟོ་བཟོཝ་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་དེ་ལས་ འ་ནཱི་གསང་སྔགས་རྒྱ་མཚོ་གིས་ འདི་བཅགས་ཚར་ཞིནམ་ལས་ ད་ལྟོ་ཡོད་མི་སྐུ་རྟེན་གསུང་རྟེན་ ལྡེམས་བྲིས་དེ་ཚུ་གི་རྒྱུ་ཆ་ག་ར་ འ་ནཱི་བསྒང་མ་གཏོགས་ཅིགཔ་གུ་ལུ་ ལོག་ཤུལ་ཤུལ་གྱི་བླམ་དེ་ཚུ་གིས་ འདི་ནང་ལུ་བདག་འཛིན་འབད་བཞུགསཔ་མ་གཏོགས་ཅིགཔ་ བཅའ་ཁ་བཅོ་ཁ་ཟེར་མི་འདི་ རྩ་དང་སྤུ་ལས་ར་མ་རྐྱབ་ ཟེར་ཞུ་ནི་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ད་འདི་ནང་ལུ་རྟེན་ག་ཅི་ཡོདཔ་སྨོ་ཟེར་བ་ཅིན་ ལྷ་ཁང་སྦོམ་ནང་ལུ་ དང་པ་སྦུག་ལུ་བཞུགས་མི་འདི་ སྟོན་པ་ཤཱཀྱ་ཐུབ་པ་ཨིན། གཡས་ཁ་ཐུག་ལུ་བཞུགས་མི་འདི་ འཇམ་དཔལ་དབྱངས་ཨིན། གཡོན་ཁ་ཐུག་ལུ་བཞུགས་མི་འདི་ རྒྱལ་བ་བྱམས་པ་ཨིན། ད་འ་ནཱི་གསུམ་འདི་ གཙོ་བོ་འདི་གསུམ་སྦེ། དེ་ལས་གདོང་ཁ་ལས་ཕར་ལུ་ ང་བཅས་ར་ནཱ་ཡོད་མི་གི་བླམ་ཆ་ཁྱབ་ཀྱི་སྐུ་འབགཔ་འབདཝ་ད་ བླམ་དང་པ་གི་སྐུ་འབགཔ་འདི་ཕི་ཧོང་གི་ལྷ་ཁང་ནང་རང་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་དེ་ལས་ གཉིས་དེ་དང་གསུམ་པ་འདི་ བཞི་པ་ལྔ་པ་དྲུག་པ་འདི་ ཆ་མཉམ་ར་ཨ་མི་ནང་གྱལ་བཙར་ གདོང་ཁ་ལས་ཕར་བཀྲམ་བཞག་མི་ཆ་ཁྱབ་འདི་ ག་ར་བླམ་ཨ་ནཱི་ཚུ་གི་སྐུ་འབག་ཨིན། ཏེ་དེ་ལས་ ལྡེབས་བྲིས་འདི་ ཕར་ཕྱི་གི་ཁ་ཐུག་གི་ གཡོན་ཁ་ཐུག་ལུ་ གུ་རུ་མཚན་བརྒྱད་ཀྱི་ལྡེབས་བྲིས་ཅིག་ཡོད། མར་མཆོད་བཤམ་གྱི་སྦོ་ལོགས་ཁ་ལུ་ ཏེ་ནཱ་གི་བླམ་གཙོ་བོ་ ཚངས་དབྱངས་རྒྱ་མཚོ་གི་ལྡེབས་བྲིས་ཅིག་ཡོད།
  • བླམ་སངས་རྒྱས་རྡོ་རྗེ/Lama Sangay Dorji:
    ཚུར་གཡས་ཁ་ཐུག་གི་དཀྱིལ་འཁོར་དེ་གི་སྦོ་ལོགས་ཁ་ལུ་ཡོད་མི་འདི་ གནས་བརྟན་བཅུ་དྲུག་ཨིན། དེ་གི་གདོང་ལུ་ཡར་མར་ཡོད་མི་འདི་ཆ་ཁྱབ་ལུ་ འཕགས་པ་འཇམ་དཔལ་དབྱངས་དང་ ཏེ་རྒྱན་དྲུག་མཆོག་གཉིས་ཆ་ཁྱབ་ཨིན། ཚུར་གུ་རུ་མཚན་བརྒྱད་ཀྱི་ན་ལས་ཡོད་མི་འདི་ འཕགས་པ་བཅུ་གཅིག་ཞལ་ ཕྱག་སྟོང་སྤྱན་སྟོང་དང་འདིའི་འཁོར་ཆ་ཁྱབ་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་དེ་ལས་ཕར་ [གནམ་?] དེ་ནང་ལུ་ ཏེ་གཙོ་བོ་འདི་ ཏེ་ང་བཅས་ནཱ་གཙོ་བོ་ཕུརཔ་འབད་ནི་དེ་གིས་ ཕུར་པའི་དཀྱིལ་འཁོར་ཨིན། ཏེ་ཕུར་པའི་དཀྱིལ་འཁོར་འདི་ ད་ལྟོ་བར་ན་སྐོར་ ཏེ་ང་བཅས་ར་བཟུམ་གྱིས་ ཕྱག་ཐམ་རྐྱབ་ཏེ་ མཇལ་ནི་ཟེར་མི་འདི་ མ་དང་སྤུ་ལས་ར་མེད། ཏེ་དེ་དག་སྦྲགས་ཏེ་ཕར་ལས་ཚུར་ ལྡེབས་ལོགས་ལས་ཚུར་ལུ་ བཀའ་ཁྲབ་ཅིག་ཡོད་ འདི་ང་བཅས་ནཱ་གི་བཀའ་སྲུང་ ཏེ་ལྷ་བཙན་ལྷོ་རོང་གང་པ་ཟེར་མི་འདི་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་འདི་ནང་གི་ལྡེབས་བྲིས་འདི་ ཕར་ཕྱིའི་ཁ་ཐུག་ལས་ཚུར་ནང་ན་ལྟ་ཁ་བསྒོར་མི་འདི་ནང་གི་ཆ་མཉམ་ ཕུར་པའི་ལྷ་ཚོགས་ཨིན། ནང་ན་ལས་ཕར་ཁ་ཕར་བསྒོར་མི་འདི་ནང་ལུ་ གུ་རུ་མཚན་བརྒྱད་ཅིག་ཡང་ཡོད། དགོངས་འདུས་ལྷ་དགུཔོ་ཚུ་ཡང་ཡོད། མར་སྒོའི་རྩ་བ་ལས་མར་ ང་བཅས་རའི་བསྐྱེད་རིམ་ལྷ་དགུ་པའི་ ཏེ་ལྡེབས་རིས་ཧ་ལམ་ཚངམ་སྦེ་ཡོད་ཟེར་ཞུ་ནི་ཨིན། ཏེ་དེ་ལསན་ ད་འདི་གི་ཤུལ་ཤུལ་ལས་ བཙུན་ལ་རྒྱ་མཚོ་མ་བཞུགས་པའི་ཤུལ་ལས་ ཏེ་ཁོ་ར་གི་སྤུན་ཆ་ ང་བཅས་འབདན་ནོ་གཅུང་བཟུམ་ཅིག་ འཇམ་དཔལ་རྡོ་རྗེ་ཟེར་མི་ཅིག་ ཁོ་ར་གི་ཚ་བོ་ངག་དབང་ནོརབུ་ཟེར་མི་ཅིག་ཡོད།
  • བླམ་སངས་རྒྱས་རྡོ་རྗེ/Lama Sangay Dorji:
    འ་ནཱི་ཁོ་གུ་ལྷོད་ལྷོད་ བླ་བརྒྱུད་ ཏེ་ལྔ་ཨིན། ཧེ་མ་གསང་སྔགས་རྒྱ་མཚོ་ཟེར་མི་དེ་དང་ངག་དབང་རྒྱ་མཚོ་ཟེར་མི་འདི་ཕར་བཞུགས་ བཙུན་ལ་རྒྱ་མཚོ་གིས་གཅིག་ འཇམ་དཔལ་རྡོ་རྗེ་གིས་གཉིས་ ངག་དབང་ནོར་བུ་གིས་གསུམ་ ཆོས་དབྱིངས་འགྱུར་མེད་གིས་བཞིཔོ་འདི་ ཁོང་བླ་བརྒྱུད་དྲུག་འབདཝ་ད་ ཁོང་བཞིཔོ་འདི་ཨ་ནཱ་ར་ ཏེ་བཞུགས། ཏེ་དེ་ལས་ནཱ་ ད་ཧེ་མ་འབད་བ་ཅིན་ མར་གྱི་དེ་ཡང་མར་གྱི་ལྷ་ཁང་གྲངས་སུ་ར་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཨིན་ཏེ་འབད་ས་ཅིག་རུང་ ཏེ་བར་སྐབས་ལས་ ཏེ་འདི་ཉམས་ཆག་ཤོར་ཏེ་གིས་ རྩ་བ་ག་ར་ཚར་གཅིག་ཧྲམ་ཡར་སོ་ཡི་ ཟེར་ཨིན་མས། ཏེ་ནཱ་གི་སྐུ་གསུང་ཐུགས་རྟེན་དང་ཆོས་ཆས་ ཆ་མཉམ་ཡོད་ཚད་ཅིགཔ་ག་ར་ མར་གཙུག་ལག་ཁང་ནང་བསྡབས་ ནཱ་གི་འདི་གྱང་ཁོག་སྦེ་ར་ནེ་སྦེ་བཀོ་བཞག་ཞིནམ་ལས་ ཏེ་དེ་ལས་ ང་ར་བཟུམ་ཅིག་ ད་ [ཕན་པའི་ཤུལ་ཨིན་མས། རྩིགཔ་རཝ་འདི་ཡར་ལྷོང་ནི་དང་ སྔོན་མ་ང་རའི་མི་ཚེ་འདི་ འདི་ནང་ལུ་?] ཏེ་ཐུན་བཏང་ཏེ་སྡོད་སུ་གི་ས་གོ་བཟུམ་ཅིག་ ནཱ་ཡོད་མི་འདི་ ང་ར་གིས་མར་ལས་ར་ རྩ་བ་ལས་ར་འཐུ་འཐུཝ་ཨིན་ཟེར་སླབ་ནི།
  • བླམ་སངས་རྒྱས་རྡོ་རྗེ/Lama Sangay Dorji:
    ད་ལྷ་ཁང་གསུམ་འདི་གི་མིང་སླབ་དགོཔ་འབད་ས་ཅིན་ ཕར་གདན་ས་དང་པ་བཅགས་མི་འདི་ [མནྡྲལ་བསྒང་གི་ནུས་པ་?] ཟེར་ཡང་ཞུཝ་ཨིན། ཏེ་ད་རེས་ནངས་པར་གྱི་ཁ་སྐད་ལུ་སླབ་པ་ཅིན་ ནགས་ཚང་གཉིས་པ་ཟེར་ ནགས་ཚང་ཟེར་མི་འདི་སྔོན་མ་འབད་བ་ཅིན་ ནེམ་ང་བཅས་ར་དང་པ་ཆགས་མི་འདི་ [སྔ་ལོང་པའི་ཁ་ནང་འབད་ས་ཅིག་རུང་?] རྒ་པོའི་ཡིག་ཚང་ཨིན་ལོ་ ག་ཅི་ལོ་ཟེར་མི་ཚུ་ དྲུང་པའི་ནགས་ཚང་ཨིན་ལོ་ རྒ་པོའི་ནགས་ཚང་ཨིན་ལོ་ཟེར་སླབ་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་འདི་གི་འགྲོས་བཟུམ་སྦེ་ ཧེ་མ་གི་རྙིང་པ་ཆ་ཁྱབ་ལུ་ ཏེ་ནགས་ཚང་ཟེར་ ཏེ་རྙིང་པ་ཟེར་མི་འདི་ གདན་ས་དང་པ་ [ཧ་སོ་ནི་དེ་གིས་?] རྙིང་པ་ཨིན་ཟེར། ཏེ་ཚུར་གྱི་འདི་ལུ་ཡང་མིང་འདི་ཕར་གྱི་དེ་ནང་ཅོག་ར་འཐད་ ཨིན་ཏེ་འབད་ས་ཅིག་རུང་ མཐའ་བྲག་ཟེར་མི་འདི་གུ་ལུ་ རིག་འཛིན་དགའ་ཚར་ཟེར་མི་ཅིག་སྦྱར་ཏེ་ཡོད། མཐའ་བྲག་རིག་འཛིན་དགའ་ཚར་ཟེར། ཏེ་ནཱ་གི་འདི་ རྐྱབ་ས་གི་ས་གོ་འདི་ བྱག་གི་ལྷ་པ་གུ་འབད་ནི་དེ་གིས་ [རྡོ་སྣ་མོ་?] ཟེར་སླབ་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་འ་ནཱིམ་ཅིག་མ་གཏོགས་ ཏེ་གཞན་གནམ་མེད་ས་མེད་ག་ནི་ཡང་མེད། ཏེ་དེ་ལས་བླ་བརྒྱུད་འདི་ ད་བླ་བརྒྱུད་དྲུག་འདི་ ཏེ་རོགས་ནཱ་གི་གདན་ས་འདི་ར་བདག་འཛིན་འབད་ ཁོ་ར་ཐུན་གནང་ཏེ་གིས་ བཞུགས་པ་མ་གཏོགས་ མར་ང་བཅས་གྲྭ་ཚང་དང་འདྲཝ་རྩ་ལས་མེད། ཏེ་འ་ནཱི་གི་ཤུལ་ཤུལ་ལས་ ཤེས་རབ་ལྷུན་གྲུབ་ཟེར་མི་ཅིག་ ཆོས་ཀྱི་འབྱུང་གནས་ཀྱི་སློབ་མ་ཤེས་རབ་ལྷུན་གྲུབ་ཟེར་མི་ཅིག་ཡོད།
  • བླམ་སངས་རྒྱས་རྡོ་རྗེ/Lama Sangay Dorji:
    ཤེས་རབ་ལྷུན་གྲུབ་ཀྱི་སློབ་མ་འཇམ་དཔལ་བཤེས་གཉེན་ཟེར་མི་སྡོད་ཅི། འཇམ་དཔལ་བཤེས་གཉེན་གྱི་སློབ་མ་སྲིད་ཞི་རྣམ་རྒྱལ་ཟེར་མི་སྡོད་ཅི། ཏེ་ཨ་ནཱི་གསུམ་ཆ་ར་མར་གྲྭ་ཚང་གི་མཁན་པོ་མཛད་དེ་ར་ ཏེ་ཁོང་གིས་བདག་འཛིན་འབད་ ནེ་འཚམས་ཅིག་སྦེ་ར་བཞུགས། ཏེ་འ་ནཱི་གི་ཤུལ་ཤུལ་ལས་ ཏེ་དེ་ལས་ང་དང་ ངེའི་ཕོ་རྒནམ་གཉིས་ཡོད། ཏེ་ངེའི་ཕོ་རྒནམ་གཉིས་ཆ་ར་གཤགས་སོ་ཡི།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་དེ་གི་ཤུལ་ཤུལ་ར་ང་བཅས་ཀྱིས་བདག་འཛིན་འབད་སྦེ་ དེ་སྦེ་སྡོད་སྡོད་བར་ ཏེ་ད་རོགས་ མི་སེར་གྱི་ལག་པར་ [་་་་བཞག་ཏེ་?] ལྟ་མ་ཨ་ཙི་ཙི་འདི་ཚུ་ཉམས་ཆག་ཤོར་ནི་མས་ཟེར་ ཏེ་ན་ཧིང་གནམ་ལོ་ ན་ཧིང་གི་གནམ་ལོ་དང་ལོ་རྟགས་འདི་གུ་ལས་ ཏེ་རོགས་མར་ གཞུང་གིས་བཞེས་ ཏེ་དེ་ལས་བདག་འཛིན་ཆ་མཉམ་ འབྲུག་རྒྱལ་ལྔ་པའི་ཕྱག་ལས་ ནཱ་ཁ་ཐུག་ལས་དེ་སྦེ་བཏབ་ཏེ་ཡོད་ཞུ་ནི་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ད་དེ་ནང་ལུ་ སྔོན་མ་གི་འགྲོ་ལུགས་ཆུང་ཀུ་ཅིག་ཞུ་བ་ཅིན་ ཏེ་མཐའ་བྲག་ནང་གི་འདི་ ཏེ་ལྕང་མཚོ་གཅིག་གི་ལྷ་ཁང་སྦེ་ ཕར་འདི་གི་གདོང་སྐོར་ལུ་རྟ་ལང་ཁ་གི་འདི་ བརཔ་མཚོ་གཅིག་གི་ལྷ་ཁང་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཡར་ཧོན་མཚོ་ཟེར་མི་འདི་ལྷ་ཁང་འདི་ སྟོདཔ་ཆ་ཁྱབ་པའི་ལྷ་ཁང་སྦེ་ ཏེ་མི་སེར་ཁོང་ར་མཚོ་འཁོར་རྐྱབ་ འ་ནཱི་སྦེ་འབདཝ་ཨིན། ཏེ་དེ་ལས་ ད་རྟ་ལང་ཁ་གི་འདི་ནང་ལུ་ཡང་ གྲྭ་ཚང་ལས་བླམ་ཅིག་བསྐོས་ནི་ཡོད། ཧོན་མཚོ་དགོན་པ་འདི་ལུ་ཡང་གྲྭ་ཚང་གིས་བླམ་གཅིག་བསྐོས་ནི་ཡོད།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་ང་བཅས་ནཱ་གི་འདི་ སྔོན་མ་ལས་རང་ ཕ་རྒྱུད་བུ་རྒྱུད་ཀྱིས་འབད་ཞིན་ན་ བླམ་འབད་རུང་ ང་བཅས་རང་གིས་འབད་ནི་མ་གཏོགས་ གྲྭ་ཚང་ལས་ལོགས་སུ་ཅིག་བསྐོས་ནི་ག་ནི་ཡང་མེད། ཏེ་འདི་ནང་སྡོད་མི་འདི་སྔོན་མ་འབད་བ་ཅིན་ ཧོན་མཚོ་དགོན་པ་ལས་ ཧོན་མཚོ་གི་ཆོསཔ་ཟེར་ རྟ་ལང་ཁ་ལུ་འདི་ འ་ནཱི་འདི་ཆོསཔ་གནམ་མེད་ས་མེད་ཅིག་ག་ནི་ཡང་མེད་ ཏེ་དེ་བསྒང་ལས་ཕར་བླམ་གྱི་བསྟེན་ཞིན་ན་ལས་ ང་བཅས་ཤེསཔ་ཅིག་བསྒང་ལས་ འདི་དང་མཉམ་ཅིག་དགེ་སློང་དག་པ་ཅིག་བཞག་ཏེ་ འདི་ང་བཅས་ར་གིས་ར་བདག་འཛིན་འབད་ཡི།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་མཐའ་བྲག་ནང་གི་འདི་ཡང་ མཐའ་བྲག་པའི་ཆོསཔ་ཟེར་ ང་བཅས་ཀྱིས་ཤེས་ཏེ་ཡང་ ང་བཅས་བུ་ཚུ་ཅིག་བསྒང་ ཏེ་ཆོསཔ་ ཕོ་རྒྱ་དང་ཨམ་སྲུ་ཨ་ལོ་དང་ག་ར་ཁྱབ་ད་ ཏེ་བཞི་བཅུ་ལྔ་བཅུ་ཅིག་གིས་མ་དོ་བ་འཛོམས་ཏེ་ར་འབད་ནི་ཡོད། ནཱ་གི་ལྷ་ཁང་གི་ཞབས་ཏོག་འདི་ཚུ་ཡང་ ཏེ་ཁོང་ར་ལུ་ཕོག་པའི་གི་ལ་སྐལཝ་ག་ར་ཁོ་རང་གིས་འབད་ བདག་འཛིན་འདི་ ང་བཅས་ཕམ་ཚུ་གིས་འབད་སྦེ་འབད་ ཏེ་འ་ནཱི་སྦེ་སྡོད་ཅི།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་བར་སྐབས་ཅིག་ཁ་ལས་ ཏེ་ད་ག་ར་མི་སེར་ལྷག་མ་ཡོད་མི་འདི་ཚུ་ཆ་མཉམ་ ཏེ་[འབྲུག་བདའ་མི་ཟེར་?] ལམ་སྲོལ་ཅིག་བཙུགས་ཏེ་གིས་ ཁྱལ་ནང་བཙུག་པའི་བསྒང་ལས་ ཏེ་གཞན་ཁ་འདི་ག་དེ་ཨིན་རུང་ ང་བཅས་ནཱ་གི་འདི་ ཏེ་སྒེར་གྱི་དགོན་སྡེ་འབད་ནི་འདི་གིས་ ཏེ་ང་བཅས་ཀྱིས་མི་སེར་གྱི་[རྒྱབ་མ་འཇོ་བར་?] ཏེ་ཆ་མཉམ་མར་ཁྱལ་ནང་བཙུགས་ད་ཞིནམ་ལས་ ཏེ་ནཱ་ཆོསཔ་རྩ་དང་སྤུ་ལས་མེད་ ཏེ་འ་ནཱི་མེད་ཞིནམ་ལས་ ཏེ་ང་བཅས་ར་གི་ ཏེ་ཧེ་མ་གི་ཆོསཔ་རྒས་ཤོས་དག་པ་རེ་ ཏེ་ནཱ་བཞག་ དཀོན་གཉེར་འདི་ཚུ་ཡང་འདི་གིས་འབད།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་ཡུདཔ་ཅིག་ཁ་ལས་ ཏེ་དེ་ལས་དགེ་སློང་ཡོད་རུང་ ཏེ་རྒ་དྲགས་རྒས་བགྲེས་ ང་བཅས་ར་གི་གཡུས་ཁ་གི་རྒས་ཤོས་ཡོད་རུང་ འ་ནེམ་རེ་བཞག་ཏེ་གིས་ ཏེ་འ་ནེམ་ཅིག་སྦེ་འབད་སྡོད་སྡོད་བར་ འབྲུག་རྒྱལ་བཞི་པའི་ཞབས་ལས་མཐའ་བྲག་ནང་གི་ལྷ་ཁང་འདི་ ཏེ་རྙིང་ཤོས་ བྱིན་རླབས་ཆེ་ཤོས་ རྩ་ཆེ་ཤོས་ཅིག་ཨིན། དེ་སྦེ་མི་གནགཔ་གི་ལག་པར་བཞག་པ་མི་བཏུབ་ཟེར་ ང་མར་མཚན་ཉིད་སློབ་དཔོན་སྦེ་སྡོད་པའ་ིབསྒང་ ང་ལུ་བཀའ་གནང་སྟེ་གིས་ དང་པ་ར་དཀོན་གཉེར་གཉིས་ ང་བཅས་གྲྭ་ཚང་གི་ཁ་ཐུག་ལས་ ཏེ་ཕོགས་དང་སྦྲགས་ཏེ་སྦེ་ར་ དཀོན་གཉེར་མི་གཉིས་བཙུགས་ཅི།
  • བླམ་སངས་རྒྱས་རྡོ་རྗེ/Lama Sangay Dorji:
    འདི་གི་ཤུལ་ཤུལ་ལས་ བདེ་བ་ཐང་གི་འབྲེལ་འཛིང་འདི་ ཤུགས་ཆེ་སུ་ཆེ་སུ་སོང་ཞིནམ་ལས་ ང་བཅས་སྐྱབས་རྗེ་རིན་པོ་ཆེ་གིས་དབུ་གཙོས་པའི་ རྫོང་ཁག་ཁལ་གཅིག་གི་གྲྭ་ཚང་ཁལ་གཅིག་གི་བླམ་ དེ་ལས་གནས་བརྟན་ དེ་དང་བསྟུན་པའི་གི་ང་བཅས་ནཱ་གི་ཏེ་གྲྭ་ཚང་གི་བློན་པོ་ཆ་མཉམ་འཛོམས་ཏེ་གིས་ ཏེ་ང་བཅས་ཁ་ཐུག་ལས་དམག་གི་རྒྱབ་སྐྱོར་ཅིག་ ཏེ་[དགན་སྡ་?]དགོན་སྡེ་ ག་ཏེ་ཡང་ ཕར་ཤར་ཕྱོགས་ཧོང་ལུ་ཕར་ཟེར་ནི་མེད་ ནཱ་ནུབ་ཕྱོགས་ཧོང་ལུ་ཕར་ཟེར་ནི་མེད་ཆ་མཉམ་ར་ ཏེ་འདི་གི་རྒྱབ་སྐྱོར་སྦེ་ ཏེ་སྐུ་རིམ་སྒྲུབ་མི་རེ་བཙུགས་ཏེ་འབདཝ་ད་
  • བླམ་སངས་རྒྱས་རྡོ་རྗེ/Lama Sangay Dorji:
    ནཱ་ལུ་ཡང་ཏེ་མཚམས་མི་ལྔ་འབད་མི་ཅིག་ ཇི་སྲིད་གནམ་གནས་ཀྱི་བར་དུ་བཞག་དགོཔ་སྦེ་ ཏེ་གྲོས་ཆོད་གྲུབ་ཏེ་གིས་ ད་རེས་ཡོད་མི་འདི་དང་པ་ དཀོན་གཉེར་གཉིས་ དེ་ལས་མཚམས་མི་ལྔ་ དེ་ཁ་ལུ་འདི་གི་ལྟོ་ཕོགས་རྩིས་རྐྱབ་ལེན་སྐྱེལ་མི་གི་གཉེརཔ་གཅིག་ ཏེ་ཁོང་མར་མི་བརྒྱད་ ཏེ་དེ་ལས་ནཱ་ལུ་ ང་དགོངསམ་ཞུ་ཞིནམ་ལས་ ང་ལུ་གཅིག་ [ཉན་གནས་ཅིག་སྒྲིག་གིས་ར་ཐོབ་ཨིན།?] ཏེ་ང་ར་དང་ང་རའི་ཉེ་གནས་འདི་བཀལཝ་ད་ ང་བཅས་ནཱ་མི་བཅུ་ཐམ་འདི་ཡོད།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་འ་ནཱི་གིས་ ནཱ་སྐུ་མཆོད་འབུམ་སྡེ་བཏང་ནི་ ཕྱི་ལས་ཀྱི་ཞབས་བརྟན་འབད་ནི་ འ་ནཱི་ཚུ་ཡང་ག་ར་ང་བཅས་ར་གིས་ འ་ནཱི་སྦེ་ར་འབད་དེ་ཡོད་ ཟེར་ཞུ་ནི།
  • ཟླ་བ་ཚེ་རིང་/Dawa Tshering:
    ལགས་སོ་ལགས། དེ་ལས་ད་རུང་གཅིག་ འ་ནཱི་ཅིག་ཞུ་དགོ་པས་ལགས་ཨ་ཞང་བླམ་ ད་ལྟོ་ན་ཞུ་བའི་ཞོར་ཁ་ར་ལགས། ཏེ་འ་ནཱི་ཚུར་ཁ་ཐུག་ལྷ་ཁང་འདི་གི་ཚུར་ཁ་ཐུག་ད་རུང་ ཨ་ནི་སྦེ་མཆོད་རྟེན་གཅིག་འདུག་བ་སྨོ་ལགས? འདི་གཞན་དང་མ་འདྲཝ་ཅིག་སྦེ་ར་མཇལཝ་མས་བ་ལགས།
  • བླམ་སངས་རྒྱས་རྡོ་རྗེ/Lama Sangay Dorji:
    ཨོང་་་་་།
  • ཟླ་བ་ཚེ་རིང་/Dawa Tshering: བླམ་སངས་རྒྱས་རྡོ་རྗེ/Lam Sangay Dorji:
    ད་འ་ནཱི་གི་སྐོར་ལས་ཅིག་ཡང་ ན་གིས་དུམ་གྲ་ཅིག་གསུངས་གནང་ ཟེར་ཞུ་ནི་ལགས། ད་འ་ནཱི་གི་མཆོད་རྟེན་འདི་
  • བླམ་སངས་རྒྱས་རྡོ་རྗེ/Lama Sangay Dorji:
    མ་པ་ཕར་དང་ཚུར་གྱི་མཆོད་རྟེན་ ཕར་ཨ་ཕ་ཕར་ལས་ཕར་ཡང་མཆོད་རྟེན་གཉིས་གསུམ་ཅིག་ ནཱ་ཨ་ནཱ་ལུ་ཡང་ད་རུང་ འདི་གིས་མ་ཚད་པའི་མཆོད་རྟེན་གཉིས་དེ་ཅིག་ཡོད་ ཏེ་འདི་ཚུ་ར་འདི་འདི་ ཏེ་ནཱ་གི་བླམ་འདི་ཚུ་གཤགསཔ་ད་ ཁོང་ར་སྤུར་སྦྱངས་འབད་འབདཝ་གི་ཤུལ་གྱི་སྤུར་སྦྱངས་དང་ འ་ནཱིམ་གྱི་མཆོད་རྟེན་སྦེ་བཞེངས་པ་མ་གཏོགས་ ཏེ་ལོགས་སུ་ཅིག་གནམ་མེད་ས་མེད་འབྲེལ་བ་ག་ནི་ཡང་མེད།
  • བླམ་སངས་རྒྱས་རྡོ་རྗེ/Lama Sangay Dorji:
    ད་ལྟོ་ཁྱོད་ཀྱི་གསུངས་མི་མཆོད་རྟེན་འདི་ མ་འདྲཝ་ཅིག་ཡོད་མི་འདི་ ནཱ་གི་བླམ་བཙུན་ལ་རྒྱ་མཚོ་ཟེར་མི་འདི་གིས་གདན་ས་བཅགས་ཚར་ཞིནམ་ལས་ ཏེ་གདན་ས་འདི་བཅགས་པའ་ིཁ་ཐུག་ མར་ང་བཅས་ར་ད་རེས་བཟུམ་ཅིག་ཁར་འབད་བ་ཅིན་ ལྕང་གི་མི་སེར་གྱི་ཁ་ཐུག་ལས་ཞབས་ཏོག་ཞུ་མི་ ཁོང་ར་ནཱ་ [དྲགཔ་པུ་ལོང་་་་?] གི་ཁ་ཐུག་ལས་ཞབས་ཏོག་ཞུ་མི་གིས་ མི་སེར་འདི་ཚུ་ལུ་ འདི་གི་བཀའ་དྲིན་དྲིན་ཕུལ་བཟུམ་ཅིག་སྦེ་ སྙིང་པོ་དོན་གསུམ་གྱི་ཁྲིད་ཟེར་ ས་སྐྱ་གི་ཆོས་ཀྱི་ཁྲིད་ གཙོ་བོ་འཕགས་པ་སྤྱན་རས་གཟིགས་ཀྱི་ཁྲིད་ཅིག་གནང་ནི་ཡོདཔ་ཨིན། ཏེ་འ་ནཱི་གནང་པའི་ཁ་ཐུག་འདི་ནང་རོགས་ [མནོ་ཐག་ཡབ་ཏོག་ཏོག་?] སྦེ་ཡོད་དེ་ མཆོད་རྟེན་འདི་ངོ་མ་འདི་ སྔོན་མ་ཁྲིད་ཁྱིམ་སྦེ་བཟོ་བཟོཝ་མས།
  • བླམ་སངས་རྒྱས་རྡོ་རྗེ/Lama Sangay Dorji:
    བླམ་བཞུགས་ས་གི་ཁྲིད་ཁྱིམ་སྦེ་ མཆོད་རྟེན་འདི་ལུ་གདོང་ཁ་ལས་རབ་གསལ་གཅིག་ གཡས་ཁ་ཐུག་ལས་[རྒྱལ་ཁ་?]གཅིག་གཡོན་ཁ་ཐུག་ལས་[རྒྱལ་ཁ་?]གཅིག་ཡོད། ཨ་ནཱི་སྦེ་ཡོད་མི་དེ་ཡང་ གཡས་ཁ་ཐུག་གི་མི་སེར་འདི་ཚུ་གི་ཡང་བླམ་མཇལ་ཚུགསཔ་ གསུང་ཐོས་ཚུགསཔ་ གཡོན་ཁ་ཐུག་གི་འདི་ཡང་དེ་སྦེ་མཇལ་ཚུགསཔ་ གདོང་ཁ་འདི་གིས་ཡང་ཨ་ནཱི་སྦེ་མཇལ་ཚུགསཔ་སྦེ།
  • བླམ་སངས་རྒྱས་རྡོ་རྗེ/Lama Sangay Dorji:
    དེ་མཆོད་རྟེན་འདི་ཨ་ནཱི་སྦེ་བཞེངས་ ཏེ་ཁྲིད་གྲོལ་ཞིནམ་ལས་ ཏེ་ལ་ལུ་གིས་བཤུགཔ་གེ་ཟེར་ ཏེ་རྒས་ཤོས་ཚུ་གིས་ ད་འདི་བཤུགཔ་མི་དགོ་ འདི་བྱིན་རླབས་ཆེ་ཏོག་ཏོག་ཨིན། ད་འདི་ནང་ལུ་མཆོད་རྟེན་ཅིག་བཞེངས་གེ་ཨིན་ཟེརཝ་ད་ མཆོད་རྟེན་དེ་ཡང་ འ་ནཱི་སྙིང་པོ་དོན་གསུམ་ཟེར་མི་འདི་གི་སྒོ་ལས་སྦེ་ བྱང་ཆུབ་མ་པ་མཆོད་རྟེན་ངོ་མ་འདི་ ཁོ་ར་བྱང་ཆུབ་མཆོད་རྟེན་ཨིན། བདེ་གཤེགས་མཆོད་རྟེན་བརྒྱད་ཀྱི་གྲལ་ལས་བྱང་ཆུབ་མཆོད་རྟེན་འདི་ཨིན།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་འདི་ནང་གི་ ཏེ་ནེམ་རྟེན་འདི་ཚུ་ཡང་ག་ར་འཕགས་པ་སྤྱན་རས་གཟིགས་ཀྱི་ལྷ་ཚོགས་འདི་ཚུ་བཙུགས་འབད་འབད་སྦེ་ ཏེ་མཆོད་རྟེན་འདི་ མིང་ཡང་སྐུ་འབུམ་མཆོད་རྟེན་ཟེར་ཨིན་ འདི་གི་གདོང་ཁའི་ཐང་འདི་གི་མིང་ལུ་ སྐུ་འབུམ་ཐང་ཟེར་ཨིན། ཏེ་སྐུ་འབུམ་ཟེར་ག་ཅི་སླབ་དགོཔ་སྨོ་ཟེར་བ་ཅིན་ ཨ་ནཱི་མཆོད་རྟེན་འདི་གི་བང་རིམ་འོག་ལས་ཕར་ཡང་ སྐུ་ལེ་ཤ་པར་བཏབ་ཏེ་ཡོད་བ།
  • བླམ་སངས་རྒྱས་རྡོ་རྗེ/Lama Sangay Dorji:
    ཏེ་མཆོད་རྟེན་འདི་གི་ནང་གཟུངས་ལུ་ཡང་ རོགས་གཞན་ཁ་གི་འགྲོས་བཟུམ་སྦེ་ གཟི་བྱུ་རུ་ལོ་ སྐུ་རྟེན་གསུང་རྟེན་ལོ་ཟེརཝ་ག་ནི་ཡང་མེད་པར་ སྤྱན་རས་གཟིགས་ཀྱི་སའི་སྐུ་ཙང་ཙ་ར་ འབུམ་གཅིག་བཏབ་བཙུགས་བཙུགསཔ་འབད་ནི་འདི་གིས་ ཏེ་མཆོད་རྟེན་འདི་གི་མཚན་ཡང་སྐུ་འབུམ་མཆོད་རྟེན་ཟེར་ ཐང་འདི་ལུ་ཡང་སྐུ་འབུམ་ཐང་ ཟེར་ཞུ་མི་འདི་འ་ནཱི་ཨིན་ཟེར་ཞུ་ནི་ཨིན།
  • ཟླ་བ་ཚེ་རིང་/Dawa Tshering:
    ལགས་སོ། བཀའ་དྲིན་ཆེ་ལགས་ཨ་ཞང་བླམ།། །།