Skip to main content Skip to search
17 Feb 2017
3 min 41 sec
Video Overview
Creators: 
Sonam Chophel, Khandu, Lhakpa, Encho Lhamo, Jamyang Lhamo

ལོ་རྒྱུས་དང་འཁྲིལཝ་ད་ དགའ་ལེགས་ཀྱིས་ སླབ་མི་ནང་ ལོད་སྦི་ས་ལུ་སྡོད་ཞིནམ་ལས་ ད་རེས་ འཆི་མེད་ལྷ་ཁང་ཡོད་ས་ལུ་ མཇལ་བའི་སྐབས་ བླམ་འབྲུག་པ་ཀུན་ལེགས་མཆོག་ དཀྱིལ་ཀྲུང་སྦེ་ བཞུགས་བཞུགསཔ་བཟུམ་སྦེ་ མཇལཝ་ཨིན་ཟེར་མས། ཏེ་བླམ་རིན་པོ་ཆེ་མཆོག་གི་ པུས་མོ་གཡོནམ་འདི་ བཀའ་ལུང་གཡུས་ཚན་གྱི་ ལྟག་ལུ་དང་ པུས་མོ་གཡསཔ་འདི་ མདའ་རྐྱབ་སའི་འབའ་སྐྱོར་ནང་ཕོགཔ་ཨིན་ཟེར་མས། ཏེ་འཆི་མེད་སྤང་ནི་གི་གཡུས་ཚན་འདི་ དཔེ་ཆའི་གདོང་ཁེབས་བཟུམ་སྦེ་ བླ་མའི་སྐུ་མདུན་ལུ་ ཁོ་རའི་ ་ཕྱག་དཔེ་གི་གདོང་ཁེབས་ཀྱིས་ སྤུར་སྤུརཝ་བཟུམ་སྦེ་ མཇལཝ་ཨིན་ཟེར་མས། ང་བཅས་ཀྱིས་ ད་ལྟོ་ ལྷ་ཁང་བཞེངས་ཏེ་ཡོད་པའི་ རི་འདི་ བླམ་འབྲུག་པ་ཀུན་ལེགས་མཆོག་ དཀྱིར་ཀྲུང་སྦེ་ བཞུགས་བཞུགསཔ་དང་ ཅོག་འཐདཔ་སྦེ་མཇལཝ་ཨིན་ཟེར་ཨིན་མས། ཤུལ་ལས་ མི་དབང་མངའ་བདག་རིན་པོ་ཆེ་མཆོག་གིས་ མི་སེར་ཚུ་ལུ་ སའི་སྐྱིད་སྡུག་གནང་ཡོདཔ་ད་ འཆི་མེད་སྤང་ནང་ བཟའ་ཚང་སུམ་ཅུ་སོ་གཅིག་ལུ་ ས་ཆ་ཨེ་ཀར་ རེ་རེ་་སྐྱིད་སྡུག་གནང་སྟེ་ གཞི་ས་ཚུ་ཡང་ སྤུན་ན་ཁ་རྫོང་ཁག་ སྟོད་པའི་ས་དང་ དབང་འདུས་རྫོང་ཁག་ དགའ་སེང་ལོག་ལས་འོང་ཡོདཔ་ཨིན་པས།